سمحلي
يا خويا يا ختي
يا سيدي يا شريفتي
يا ولدي يا بنتي
سمحلي
كلمة نقولها ؤمرفوعة الراس
مايهمني شكون انت ف ولاد الناس
نقولها وانا غلطانة أو على صح
سمحلي
نطلب بها حقي
ندير بيها طريق منين ندوز
وخا نكون مع من نكون
أو فين نكون
سمحلي
ماشي كلمة اعتذار
هي كلمة ليها معاني اكثار
رماد مغطي النار
وحجر تحت الانهار
سمحلي
جوج وجوه فيها
رد بالك ليها
لاتغر بيها
سمحلي
إلا تقالت ليك
ماشي من قوتك ولا جباروتك
شحال من واحد عليه ضحكات
وعلى قرفاتو لعبات
سمحلي
إلا قولتها ماشي خوف
راه غير أداب يا لمتلوف
كْبْر ...راها تكبيرة ليك يا لحلوف
سمحولي
بها نختم كلامي
عامرة بمحبتي ووفائي
مانغش بيها ولا نخون احبابي
فاطمة الزهراء فداوش (المغرب)
#مجدوبة السماعيلية
ليست هناك تعليقات:
إرسال تعليق