من هو المغربي؟

Dija oumen (المغرب)
؟؟؟؟؟؟؟؟؟؟؟؟
ﻛﺎﻳﻨﻴﻦ ﺍﻟﻨﺼﺎﺭﻯ ، ﻭﻛﺎﻳﻨﻴﻦ ﺍﻟﻴﻬﻮﺩ ، ﻭﻛﺎﻳﻨﻴﻦ ﺍﻟﻤﺴﻠﻤﻴﻦ ، ﻭﻛﺎﻳﻨﻴﻦ ﺣﻨﺎ ، ﻛﺎﻟﺒﺴﻮ ﺣﻮﺍﻳﺞ ﺍﻟﻨﺼﺎﺭﻯ ، ﻭﻛﺎﻧﺪﻳﺮﻭ ﻓﻌﺎﻳﻞ ﺍﻟﻴﻬﻮﺩ ، ﻭﻛﺎﻧﻬﻀﺮﻭ ﺑﻠﺴﺎﻥ ﺍﻻﺳﻼﻡ . المغربي باغي يصلي .. وباغي يصوم .. وباغي يسكر .. وباغي يتحشش .. يزني .. ويتزوج بوحدة عذراء .. وكيبات مع عاهرة .. ومع الصباح كيبقا يسب مع صاحبو فالعاهرات ويقولك تفوو كثر الفساد .. باغي يشد النمرة ديال خت صاحبو .. وباغي صاحبو يحترم ختو .. وباغي ختو دير الحجاب وباغي يتصاحب مع وحدا بلا حجاب .. باغي يمشي للحج ويزور مقام النبي .. وباغي يمشي يزها فمراكش .. باغي يتصاحب مع گاورية ملحدة .. ومكيحملش يشوف مغربية متحررة .. باغي يطبق الشريعة فبلادو .. وكيتسابق على فيزا باش يمشي للطاليان عند السيمو صاحبو .. باغي يخرج ويلقا البيران و الشراب .. وماباغيش الفساد فالبلاد .. كايكمي الشيشة .. وباغي المخزن يسدو قهاوي الشيشة .. كيبات كيضرب فالجوانات وكيصبح كيعطي مناظرات عن تارك الصلاة .. كيتفرج ففيديوهات البورنو .. وبعد ساعة كيطلق فيديوهات ديال المسيحيين لي كيدخلو اسلام وعينيه كيغرغرو بالدموع .. كيطلق الستاتي وموراه دعاء ديال السديس .... الخلاصة هي أن الكائن المغربي هو كتلة من التناقضات و العقد ، هو براسو ماعارفش اش باغي واشنو ماباغيش .. مخالطين عليه المفاهيم و مبقاش عارف يشد الدين ولا الدنيا و لا الإسلام و لا العلمانية وتخالطولو العادات و التقاليد مع المبادئ و الشرف ومع شنو تربى عليه .. هادشي كامل كيخرجلك إنسان تالف عايش هاد التناقض الرهيب فحياتو بحيث فاش كتسول شي حد علاش ماباغيش الحداثة فالبلاد والعلمانية وكلها يدخل سوق راسو كيقولك لأننا مسلمين واش بغيتو تضسرو الشعب .. ولا اقترحتي عليه يعيش فالسعودية غيقولك لا شوية لربي وشوية لعبدو .. عايشين بواحد السطحية رهيبة .. فاللخر تدوي معاه يكوليك لا راه هما لي بغاونا نكونو هكا , تبغي تسولو شكون هما ماكيعرفهمش اصلا هو متناقض فالداخل عادي انه يسميها فشي حاجة ماكيناش .