كاين واحد دار دربالة وعكاز
دارلحية كحلة طلق شعكاكة
وصي على الحرف هو رجع
علام الحرف بلا دهم ومهماز
ويرمي الزجالة كلهم بالركاكة
قاري الظمياطي وغيرو يرگع
ولهموم الحرف المرصع هاز
يحارب عديان الكلمة الأفاكة
غا يهمز ويلمز ويفصل ويقطع
ظن نفسو لأسرار الحرف حاز
ومجذوب الحرف عطاه البراكة
راه ماشي ذهب كل حاجة تلمع
جحمومة طارت حسبت راسها باز
دخلت مع البزان فحرب ومعراكة
تريشت و حلفت للسما بقيا تطلع
حسن صبي
ليست هناك تعليقات:
إرسال تعليق